Kop in die Wolke in Kromkieriefontein

Kop in die Wolke in KromkieriefonteinKop in die Wolke in Kromkieriefontein Die mense van Kromkieriefontein loop almal met n krom rug en hangskouers, gebo soos n kierie. Hulle hou hul o op die grond en kyk nie juis verder as hul volgende tree nie. Dit was maar nog altyd so in hierdie dorp waar dagdroom en lees verbied is. Almal behalwe Juffrou Kiertsregop wat penorent staan voor die Graad 2A klas van Laerskool Kromkierie. Dahlia Dolgraag loer vir di juffrou wat so anders is as die res en

Kop in die Wolke in Kromkieriefontein

Die mense van Kromkieriefontein loop almal met ’n krom rug en hangskouers, geboë soos ’n kierie. Hulle hou hul oë op die grond en kyk nie juis verder as hul volgende tree nie. Dit was maar nog altyd so in hierdie dorp waar dagdroom en lees verbied is.

 Almal behalwe Juffrou Kiertsregop wat penorent staan voor die Graad 2A-klas van Laerskool Kromkierie. Dahlia Dolgraag loer vir dié juffrou wat so anders is as die res en besluit net daar dat die Hoepelkrombende moet uitvind wat aangaan. Sy weet net waar om te begin… die hemelhoë huis op die bult waar Juffrou Kiertsregop elke Vrydag by haar geheimsinnige vriendin gaan kuier.

 In Kop in die wolke in Kromkieriefontein gaan Dahlia, Bella, Tienie en Tamara op ’n avontuur wat wys hoe wonderlik ’n wêreld vol drome en verbeelding kan wees.

 Kop in die wolke in Kromkieriefontein is die derde boek in Murray & Me se gewilde idioom-reeks – perfek vir selflees én saamlees. Hierdie reeks maak Afrikaanse idiome vir kinders lewendig deur Milan Murray se lekkerlees-stories met betowerende illustrasies deur Marisa du Toit.